Эрхэмсэг оршихуйн утга учир ....

                      Үдээд л, одоод л үлгэр домог мэт хөврөөд л
Хөвгүүд өсөөд л . охид дуулалдаад л цаг хугацаа урсаад л
Гэнэт ирсэн зогсоолоос эргэн хармаар санагдахуй
Хичнээн хол аялсанаа үл ухааран бодол хөврөхүй..
Алсад одод нэгэндээ эрхэлэх мэт харван тоглохуй..
Амрагын дууны аяз сэтгэлд урсан орж ирэхүй..
Ганцаардал хэмээх завины цорын ганц зорчигч би бээр
Авралын дохио хэмээн төсөөлөн сарыг ширтэхүй..

Харанхуй. ....гэвч тэр хоосон бус ажээ
Харахад байхгуй мэт боловч тэр дүүрэн юм байна.
Гэрэл...... тэр дүүрэн өнгөлөг боловч хоосон ажээ
Ор хоосон огт үгүй байхгүй .. зүгээр л үгс юм биш үү
Орчлон хорвоо ..ер нь юу ингэхэд хоосон бус юм бэ

Саарал хана нь халцарсан хуучин өрөө
Савхин бүрээс нь холцорсон бор буйдан
Бийр бэх асгарсан модон ширээ, эргэдэг сандал
Эрт одоог илээсэн хуучин модон шал, халтар хивс
Энэ бүхний дунд тэр өөрөө өөрийгөө хорин сууна.
   Уйтгар гуниг ганцаардал гэж тэр ер мэдэхгүй
   Дуулж инээж байхыг нь би ер нь хэн ч хараагүй
   Намар намрын шувууд цаг цагаараа ирж буцах нь түүнд хамаагүй
   Нар тусдаг бяцхан цонхоо гэвч тэр хэзээ ч хааддаггүй
Бороо асгарсан хаврын тэр нэгэн өдөр
Шүхэр барьсан зочин түүн дээр ирсэн юм
Хаалттай хаалганы цаана зөндөө удаан тэд байцгаасан
Харин сүүлд нь тэр нүүгээд явчихсан юм..
  ......Би түүнийг дахиж хараагүй..